كرّزت منكم !

أنا مواطن كرزت منكم و منكن ... و زيد ما يهمنيش فيكم تقولوا علي أنا متشائم و تنبر على عام 2013 ...

 و زيد ما يهمنيش فيكم تكرزوا ولى .... 

أسباب تكريزي واضحة و هي الأتية ...

كرزت من 2012 خاطرو عام أحرف

كرزت من 2013 خاطرو عام لن يأتي إلى بمزيد من التكريز

كرزت من لطفي العبدلي جايبها جعبة

كرزت من نوفل الورتاني و من صلعة دين والديه

كرزت من عصام جمعة إلي لتوى لا فهمتو كيفاش يمركي

كرزت من الترجي و طحين ليزاربيتر ليها 

كرزت من سامي الفهري بعد ما كان يعجبني .... كرزت من الفيلم إلي عاملو " مسجون في الغربة "

كرزت من المجلس التأسيسي و خرافة أمي سيسي

كرزت من مصطفى بن جعفر إلي حكايتو حكاية بيدونة من تلعفر

كرزت من إياد الدهماني إلي حتى لتوه ما حب يبدل دين أم مريولو لازرق 

كرزت من حسين الجزيري خاطرني ما لاحظت فيه حتى صفة من صفات الإنسان الطبيعي

كرزت مل البوشلاكة و البو ترومة و باقي وجوه أللوح 

كرزت من صوت المنصف بن سالم ... نشاز يا دين الزب 

كرزت من البحري الجلاصي ... كائن غريب ربما يكون من الكائنات التي لم تكتشف بعد

كرزت من الحقوقين عملوا الريحة مل البص و قلة الفرص

كرزت من التشغيل و من مشاريع التشغيل كلها بص

كرزت من محمد البوعزيزي ... لا شهيد لا مازمبي

كرزت من الحليب و الخضرة و الإيسونس ...ما عاتش عيني بيهم امسحوا بيهم

كرزت من حسن الشارني المنجم ... ما أخيب وجهو

كرزت من حظارة المايا خاطر طلعوا غفاصة

كرزت من القائد حنبعل خاطر كان موش اسمو ...راهي ما توجدتش قناة حنبعل

كرزت من الاخوان الشابي و من فضايحهم وتكسير البطاطا متاعهم

أما كرزت برشة على موتة طارق المكي يرحمو ...

تي كرزت من التدوين هذاكة علاش عندي برشة ماكتبتش ... خاطر الحروف والات مفرغة من المعاني 

تي مل اخر أنا كرزت منكم على سنة الله و رسوله أما ما كرزتش من روحي .... بل كرزت على روحي كوني ننتمي إلى مجموعة بشرية كيما هاذي ...

كرزت منكم .... ادوارد نورتون

قريباً مشروع المجتمع المدني بتونس ...

Soon ... www.lesassises.org

بلادي مرتع لصراع الداخلي و الخارجي

يضيق صدري ولا ينطلق لساني. يبدو لي أن تونس أصبحت حقل تجارب للداخل و الخارج منذ قيام هاته الثورة المشبوهة. لتتحول بذلك بلادي إلى مشروع نموذج عراقي لكن في صيغة حديثة.

شي من أمريكا، شي من فرنسا، شي من قطر ، شي من السعودية و ربما شي من إسرائيل أو إيران .. و لما لا شي من إريتريا أو مالاوي. مع هذا يبقى موقف الحكومة سلبيا داخلياً و خارجياً.

*خارجياً : الحكومة ... هي لا تحرك ساكنا أما المستعمرين الكلاسكيين فرنسا ، العثمانيين و الغرب، و في حين اخر تفتح فمها للريح أما المستعمرين الجدد من قطر و السعودية. شريط الأحداث بدأ منذ 14 جانفي 2011 ، عندما أحست فرنسا أن الأحداث قد تجاوزتها و أن أمريكا هي من دبر كل شي لينطلق الصراع على من يظفر بمباركة الثورة و شهدائها أولاً. لتخلى الساحة بعدها للعثمانيين لعرض خدماتهم على شعب يعاني إلى الأن من تبعات إحتلال عثماني سابق. جرد الدول العربية من أبسط الأشياء حقها في تجاوز التخلف. لينطلق بعد هذا الصراع الخفي بين قطر و السعودية من أجل خطف دور الزعامة العربية و إستغلال الضعف المصري الحاصل نتيجة الثورة. فأصبحنا بذلك نشاهد مساومة و إبتزاز فالدولتان ترعيان إثنين من المطلوبين للعدالة وهما بن علي و صخر الماطري. يغريقاننا بقروض وهمية لبسط سلطانهما علينا. و من يعلم من كذلك يسعى لدخول البلاد و بسط سلطانه أيضاً علينا ...

*داخلياً : الصراع أصبح دينياً بحت ليتحول بعد هذا إلى صراع طائفياً. و كأن تونس عادت إلى العصور الردة و الواجب الأن إعادة الفتوحات لتنظيف العقول المريضة "المشعارة". أحداث متاتالية من الغزوات للمطار للمنڨالة و لقصر العبدلية وصولاً إلى إعتداء على الشيخ مورو و استفزاز لطفي العبدلي و ختامها مسك ما حدث في بنزرت مع عميد الأسرى الفلسطينين سمير القنطار.

موقف الحكومة الانبطاحي تجاه مثل هاته التدخلات الرعوانية للسلفيين ليس له إلا تفسير واحد أنها هي من تحركهم. و عن عدم التدخل ضدهم لأنهم ينتمون إلى النسيج التونسي هي تعلة واهية.

مع كل هاته الأحداث قد يحن المواطن العادي إلى زمن بن علي و أنا شخصياً لا ألومه في ذلك فعلى الأقل في عهده لم يرى جرذان تبحث عن جبن أو قمامة في تونس ...

ارفعوا أيديكم عن تونس فصراعاتكم لا تهمنا يا أيها البرابرة ...

القائمة الحصرية للي باش يعزڨوه رمضان 2012

مفتي الجمهورية : مع الأسف تعذر علينا رؤية الهلال ما فماش رمضان هذه ألسنة 

كيما جرات العادة، كل رمضان نقدم قائمة حصرية للأشخاص المعصومين من صيام رمضان و هذا لتوفر بعض شروط الإفطار عندهم. قائمة هذا العام مدهونة بنفحات نهضاوية إلي فازت بالإنتخابات و يحتمل أن تفوز بالإنتخابات الجاية مادام المعارضة مازلت تشرب في ماء البحر ...

لا مقدمة لا مازمبي ... القائمة تضم كل من :

هالة الذوادي : أول المفطرين، صاحبة مقولة انت توقف ؟ سبب الإفطار قول الفاحشة و إستعمال لغة الخانات، صحة شريبتك يا موظفة باعث القناة 

رفيق عبد السلام بوشلاكة : أفطر هذا الشهر لأنو بعد يوم عصيب من العمل المتواصل عمل غمضة كلفتو احتلام مما يعني وجوب الاغتسال، صحة شريبتك يا مشلك الخارجية

لو حمادي جبالي : أفطر هذا الشهر بعد نعته لرأس المال بالجبان أي إرتكاب خاطيئة التنابز بالألقاب، صحة شريبتك يا قاهر اللغات الحية 

أم البوعزيزي : أفطرت لتلفظها بعبارات نابية لأحد الأعوان وتهجمها عليه و بذلك تصبح فصالة على شاكلة علي شوورب، صحة شريبتك يا مهد الثورة  

مصطفى بن جعفر : أفطر لإرتكابه التلحيس و الإنبطاح و الطحين الوجوبي لحركة النهضة، صحة شريبتك يا لحاس 

أحد روائع الفوتوشوب : مفطر ثم مفطر لارتكابه خطيئة إنتهاك حرمة الفوتوشوب .... يحرم والله جلدو  

مع هذا ترى من يحافظ على صيامه كاملاً :

الشيخ و الشيخة 

نجم نكون صحيح ماكانش راهم غلطوني ولى راني عزڨتو رمضان السنا تحت الحيط...

من يمتلك رأس المال الجبان في تونس ؟

رأس المال الجبان

من نودار الحكومة و رئيسها المفدى السيد "لو" حمادي الجبالي، إختراع مفهوم جديد لرأس المال و إن هي ليست النادرة الوحيدة للحكومة ... فإن عمق هذا المفهوم الجديد يجعلنا نتوقف للقيام بنظرة تأمل.


رأس المال الجبان ... أحلى ما جادت به قريحة السيد الوزير الأول لتنظاف إلى الجباليات المتعددة و المتكررة. يقول رئيس الحكومة إلي راس المال الجبان ما هوش إختصاص الحكومة الشرعية ولي مثل هذا المال هو حكر على الجميع إلا الحكومة المقدسة. و لو أن القصد مفهوم "كمال لطيف" و إلي حتى لتوه شخصياً ما نعرش السيد هذا واقع أم خيال علمي. إلي يحب يصفي حسابو مع عبد يجبد اللطيف ... كيما قالي عطار الحومة : "كمال اللطيف حشهالي في دبابز الڨاز ... يلعن رأس المال الجبان".


فبحيث وين يتجبد كمال اللطيف يتجبد النظام السابق أو بن علي. الغريبة في الجبالي أنو ما يعرش إلي رأس مال النظام السابق "فاسد" و لا يمكن وصفه بالجبان ... لأنو سرقة عيني عينك و على مرأى الجميع أو على الأقل سرقة بإستحقاق ...


أما.............................................................................................

بالنسبة للرأس المال الحالي، النهضاوي، القطري/السعودي التمويل و بأمر الولايات المتحدة الأمريكية، أليس هذا هو رأس المال الجبان ؟ إستغلال الثورة و شهدائها، أليس هذا هو رأس المال الجبان ؟ تدمير الإقتصاد و تحويله نحو التبعية، أليس هذا هو رأس المال الجبان ؟ مليارات البغدادي المحمودي و براميل نفطه، أليس هذا هو رأس المال الجبان ؟

فبحيث كان حكينا على رأس المال الجبان في تونس .... أعرفو راهو نهضاوي .... ولا مجال للحديث الأكثر.