موتور تنسنيس

الثلاثاء، 15 جانفي، 2013

خريتو فيه !



هاكم احتفلتوا بالذكرى الثانية لأربعطاش جانفي، طيبتوا المحشي في ألليل و كليتوه في الصباح على قارعة الطريق في شارع الحبيب بورڨيبة. بشعاراتكم و تهيأتكم و بتمنياتكم مشى في بالكم عملتوا ثورة !!

مع كل احتراماتي ليكم ... ما نحترمكمش و نقلكم خريتو فيه ؟؟

ويني التنمية ؟ كان نسأل واحد فيكم تاو يجاوبني يقلي ربحنا حرية التعبير ... نعل بوك و بو بوها حرية التعبير قدام التنمية.

ما نلموش عليكم بما انكم مخدرين بالأوهام و جدت عليكم الثورة بدات بشرارة و باش تنتهي بعزة و كرامة. الملامة الكل على الطبقة السياسية إلي كان نسألها ويني التنمية هاي كيفاش تجاوبني :

ويني التنمية ؟

جواب الشيخ الراشد رضي الله عنه : شباب النهضة هو إلي عمل الثورة !

جواب حمادي الجبالي : بالتنمية تنمو التمنيات !

جواب مصطفى بن جعفر : من فضلك !

جواب المنصف المرزوقي : تحكي على التنمية البشرية ولى التنمية الإقتصادية ؟

جواب شكري بالعيد : لا السلام لا زبي !

جواب مي الجريبي : الحزب الجمهوري بخير و لا خوف عليه !

جواب البحري الجلاصي : التنمية طهرنالها و عرسنالها ملي عمرها عشرة سنين !

جواب حسين الجزيري : لا تنمية لا الزبي ! أنتم تكرهوا النهضة نحنا إلي نحكموا !

جواب المتطرفين من السلفيين : غداً سيكون يوماً نقضي فيه على الكفرة و الذين يقولون بالتنمية ... فالتنمية حرام حسب الشرع !

تي دين أمكم مع مثل هاته الأجوبة مازلتوا تتحدثوا و تتبجحوا بالثورة ؟


ننصحكم في الذكرى الثالثة للثورة هذا كان خلطنالها تعملوا حداد ... هكاكة ما تتنوفقوش على رواحكم !

#مخيبكم

الثلاثاء، 1 جانفي، 2013

كرّزت منكم !




أنا مواطن كرزت منكم و منكن ... و زيد ما يهمنيش فيكم تقولوا علي أنا متشائم و تنبر على عام 2013 ...
 و زيد ما يهمنيش فيكم تكرزوا ولى .... 


أسباب تكريزي واضحة و هي الأتية ...


كرزت من 2012 خاطرو عام أحرف

كرزت من 2013 خاطرو عام لن يأتي إلى بمزيد من التكريز

كرزت من لطفي العبدلي جايبها جعبة

كرزت من نوفل الورتاني و من صلعة دين والديه

كرزت من عصام جمعة إلي لتوى لا فهمتو كيفاش يمركي

كرزت من الترجي و طحين ليزاربيتر ليها 

كرزت من سامي الفهري بعد ما كان يعجبني .... كرزت من الفيلم إلي عاملو " مسجون في الغربة "

كرزت من المجلس التأسيسي و خرافة أمي سيسي

كرزت من مصطفى بن جعفر إلي حكايتو حكاية بيدونة من تلعفر

كرزت من إياد الدهماني إلي حتى لتوه ما حب يبدل دين أم مريولو لازرق 

كرزت من حسين الجزيري خاطرني ما لاحظت فيه حتى صفة من صفات الإنسان الطبيعي

كرزت مل البوشلاكة و البو ترومة و باقي وجوه أللوح 

كرزت من صوت المنصف بن سالم ... نشاز يا دين الزب 

كرزت من البحري الجلاصي ... كائن غريب ربما يكون من الكائنات التي لم تكتشف بعد

كرزت من الحقوقين عملوا الريحة مل البص و قلة الفرص

كرزت من التشغيل و من مشاريع التشغيل كلها بص

كرزت من محمد البوعزيزي ... لا شهيد لا مازمبي

كرزت من الحليب و الخضرة و الإيسونس ...ما عاتش عيني بيهم امسحوا بيهم

كرزت من حسن الشارني المنجم ... ما أخيب وجهو

كرزت من حظارة المايا خاطر طلعوا غفاصة

كرزت من القائد حنبعل خاطر كان موش اسمو ...راهي ما توجدتش قناة حنبعل

كرزت من الاخوان الشابي و من فضايحهم وتكسير البطاطا متاعهم

أما كرزت برشة على موتة طارق المكي يرحمو ...


تي كرزت من التدوين هذاكة علاش عندي برشة ماكتبتش ... خاطر الحروف والات مفرغة من المعاني 


تي مل اخر أنا كرزت منكم على سنة الله و رسوله أما ما كرزتش من روحي .... بل كرزت على روحي كوني ننتمي إلى مجموعة بشرية كيما هاذي ...


كرزت منكم .... ادوارد نورتون

الجمعة، 17 أوت، 2012

بلادي مرتع لصراع الداخلي و الخارجي



يضيق صدري ولا ينطلق لساني. يبدو لي أن تونس أصبحت حقل تجارب للداخل و الخارج منذ قيام هاته الثورة المشبوهة. لتتحول بذلك بلادي إلى مشروع نموذج عراقي لكن في صيغة حديثة.

شي من أمريكا، شي من فرنسا، شي من قطر ، شي من السعودية و ربما شي من إسرائيل أو إيران .. و لما لا شي من إريتريا أو مالاوي. مع هذا يبقى موقف الحكومة سلبيا داخلياً و خارجياً.

*خارجياً : الحكومة ... هي لا تحرك ساكنا أما المستعمرين الكلاسكيين فرنسا ، العثمانيين و الغرب، و في حين اخر تفتح فمها للريح أما المستعمرين الجدد من قطر و السعودية. شريط الأحداث بدأ منذ 14 جانفي 2011 ، عندما أحست فرنسا أن الأحداث قد تجاوزتها و أن أمريكا هي من دبر كل شي لينطلق الصراع على من يظفر بمباركة الثورة و شهدائها أولاً. لتخلى الساحة بعدها للعثمانيين لعرض خدماتهم على شعب يعاني إلى الأن من تبعات إحتلال عثماني سابق. جرد الدول العربية من أبسط الأشياء حقها في تجاوز التخلف. لينطلق بعد هذا الصراع الخفي بين قطر و السعودية من أجل خطف دور الزعامة العربية و إستغلال الضعف المصري الحاصل نتيجة الثورة. فأصبحنا بذلك نشاهد مساومة و إبتزاز فالدولتان ترعيان إثنين من المطلوبين للعدالة وهما بن علي و صخر الماطري. يغريقاننا بقروض وهمية لبسط سلطانهما علينا. و من يعلم من كذلك يسعى لدخول البلاد و بسط سلطانه أيضاً علينا ...

*داخلياً : الصراع أصبح دينياً بحت ليتحول بعد هذا إلى صراع طائفياً. و كأن تونس عادت إلى العصور الردة و الواجب الأن إعادة الفتوحات لتنظيف العقول المريضة "المشعارة". أحداث متاتالية من الغزوات للمطار للمنڨالة و لقصر العبدلية وصولاً إلى إعتداء على الشيخ مورو و استفزاز لطفي العبدلي و ختامها مسك ما حدث في بنزرت مع عميد الأسرى الفلسطينين سمير القنطار.

موقف الحكومة الانبطاحي تجاه مثل هاته التدخلات الرعوانية للسلفيين ليس له إلا تفسير واحد أنها هي من تحركهم. و عن عدم التدخل ضدهم لأنهم ينتمون إلى النسيج التونسي هي تعلة واهية.

مع كل هاته الأحداث قد يحن المواطن العادي إلى زمن بن علي و أنا شخصياً لا ألومه في ذلك فعلى الأقل في عهده لم يرى جرذان تبحث عن جبن أو قمامة في تونس ...

ارفعوا أيديكم عن تونس فصراعاتكم لا تهمنا يا أيها البرابرة ...

الخميس، 19 جويلية، 2012

القائمة الحصرية للي باش يعزڨوه رمضان 2012

مفتي الجمهورية : مع الأسف تعذر علينا رؤية الهلال ما فماش رمضان هذه ألسنة 


كيما جرات العادة، كل رمضان نقدم قائمة حصرية للأشخاص المعصومين من صيام رمضان و هذا لتوفر بعض شروط الإفطار عندهم. قائمة هذا العام مدهونة بنفحات نهضاوية إلي فازت بالإنتخابات و يحتمل أن تفوز بالإنتخابات الجاية مادام المعارضة مازلت تشرب في ماء البحر ...

لا مقدمة لا مازمبي ... القائمة تضم كل من :

هالة الذوادي : أول المفطرين، صاحبة مقولة انت توقف ؟ سبب الإفطار قول الفاحشة و إستعمال لغة الخانات، صحة شريبتك يا موظفة باعث القناة 


رفيق عبد السلام بوشلاكة : أفطر هذا الشهر لأنو بعد يوم عصيب من العمل المتواصل عمل غمضة كلفتو احتلام مما يعني وجوب الاغتسال، صحة شريبتك يا مشلك الخارجية


لو حمادي جبالي : أفطر هذا الشهر بعد نعته لرأس المال بالجبان أي إرتكاب خاطيئة التنابز بالألقاب، صحة شريبتك يا قاهر اللغات الحية 


أم البوعزيزي : أفطرت لتلفظها بعبارات نابية لأحد الأعوان وتهجمها عليه و بذلك تصبح فصالة على شاكلة علي شوورب، صحة شريبتك يا مهد الثورة  

مصطفى بن جعفر : أفطر لإرتكابه التلحيس و الإنبطاح و الطحين الوجوبي لحركة النهضة، صحة شريبتك يا لحاس 


أحد روائع الفوتوشوب : مفطر ثم مفطر لارتكابه خطيئة إنتهاك حرمة الفوتوشوب .... يحرم والله جلدو  



مع هذا ترى من يحافظ على صيامه كاملاً :
الشيخ و الشيخة 


نجم نكون صحيح ماكانش راهم غلطوني ولى راني عزڨتو رمضان السنا تحت الحيط...