موتور تنسنيس

الثلاثاء، 26 جويلية، 2011

نجيب الشابي، الثورة و قضية الكسكروتات...






  (+) كان عجبتك التصويرة، تعمل مزية تعطيها علامة جمع 
 (-) كان ماعجبتكش...سورري، على خاطر جوجل ماخممش في حكاية الإلا 
 (bingo) كان التصويرة أفحمتك...علق و بارتاجيها على حيوط شبكات التلاقح الإجتماعي 

نجم نكون صحيح ماكانش راهم غلطوني  ولى راهم شبشبوني ...  


baba 3zizi 2.0           

الجمعة، 22 جويلية، 2011

قائمة حصرية للمناضلين السياسين و قواد الثورة المجيدة...

أنا ثور والثورة ثورتي وحدي... 

دقة ساعة الحقيقة و دقة ساعة الشيخة...أنا فرحان اليوم خاطر بعد 6 شهر من الثورة المجيدة نجمت نضربها في مخي مليح (إي نعم مخ راجل عمرو 85 سنة) و بعون الله نجمت نطلع إشكونهم ابطال الثورة و مناضلينها. كنت قبل نقلهم من أنتم...توا تلعطهم فردا فردا... فوڤيرة فوڤيرة... بلاطة بلاطة...خليقة خليقة...مرفق مرفق.

شكر خاص للأدمين متع باج تونسي بليد إلي جابلي فكرة البوست هذا والي نهديه شخصيا لكل ابطال الثورة المجيدة. ألمي وأسفي كبيران علي باش يتغشش..إلي نقلوا سانسيرمون (sincèrement) كسر راسك.

شعار هذه التدوينة (دوانة) : أنا حلبتلهم و انتي و قتاش باش تحلبلهم ؟ للتذكير الأبطال هاذم الكل قيدوا في الانتخابات...دونك اعملوا كيفهم بضبط بعد ما تحلبولهم (تحل-بولهم) .

مع بعضنا نكتشفوا القائمة الحصرية :



سوڤير قائد مرفق و صاحب قولة : بالكرتوش ندوروا 

















أسامة عاشوري قائد فوڤيرة : شهر باعث الجعب أللهم عافينا 
















الشيخ راشد الغنوشي قائد بلاطة : مهف و ضبع فرد وقت 



ياسين عياري جنرال قائد مرفق و صاحب قولة : بص و قلة فرص 

















شاكالا ولد حليمة قائد فوڤيرة و صاحب قولة : ايجوا لنا ذوڤوا البنة 

















والأن مع ابتكارات بابا عزيزي 2.0


جلال كريك قائد فوڤيرة حلوف أما لطيف و تڤو : شهر تفيه عليكم يا مسخين 





























محمد جغام ناس قبل و قائد بلاطة لسانوا داير برقبتو : معروف عنو قاهر قلوب البنات إلي يلبسوا قاع دبوزة 




































عبد السلام جراد قائد مرفق شايب أما خايب : صاحب معمل الشيش في تونس 





















باعث الحالات قائد... (كلمة زايدة) عفيف لكنو عنيف و شكرا : قادر على إحداث ثورة وحدو عند طريق المسامح عنيف

عبد الوهاب الهاني قائد مرفق هاني برشة و الحكمة في الذبانة إلي عاملها في فمو : شهر توتي الثورة 



سهام بن سدرين قائدة موش مفهومة أول عنصر نسائي و ربما يكون رجولي : صاحبة راديو جملة































بالها ولد ماسون قائد عريق و ماسوني للطولة يحب العمل و يقضي على الشلل : ممول رسمي للماسونيين المحررين في تونس   

































و القائمة تطول...غير الظروف... 

أيواه أهوكا هوما قيدوا تبعوهم راهم هوما إلي وراونا الثنية... 

نجم نكون صحيح ما كانش راهم غلطوني و ولى حبوا يردوني مناضل معاهم... 


baba 3zizi 2.0 

الثلاثاء، 19 جويلية، 2011

ياسين العياري الرجل الذي قال : هز السيف و هيا ڨابلني !!!

سيدي الجنرال : تحياتي حتى مماتي !!





  (+) كان عجبتك التصويرة، تعمل مزية تعطيها علامة جمع 
 (-) كان ماعجبتكش...سورري، على خاطر جوجل ماخممش في حكاية الإلا 
 (bingo) كان التصويرة أفحمتك...علق و بارتاجيها على حيوط شبكات التلاقح الإجتماعي 

نجم نكون صحيح ماكانش راهم غلطوني  ولى راهم ردوني جنرال كيفهم ...  


baba 3zizi 2.0           

الاثنين، 18 جويلية، 2011

خطاب السبسي فرعسني و هاو علاش...

لا اليوم...بلبزتها يا سبسي 


مانيش فرحان و فادد و نحب نتكيف ماري خوانا...إي نعم راجل كبير و نعملها. علي ريتو توا في خطاب سي الباجي قايد السبسي. خور بأتم معنى الكلمة !!

عندي سؤال خطير جداً : ياخي سي الباجي خطب قبيلة ولا زاد خبطها في بعضها ؟

اليوم سي الباجي عمل غلطة كبيرة ياسر كي تكلم..علاش ؟ خاطر مافسر شي و ما قال شي. ملزوم المرة هاذي مانطولش ونفسر علاش غلط في عفستين كاهو، ني بليس ني موان :

  • العفسة لولا : ياخي ماو كي تاعب ماتحكيش...لازامك تكون فايق يا سي الباجي الدنيا راهي شاعلة و ماهاش ناقصة دوخة. موش معقول خطاب كيما إلي ريتو اليوم... عدو باش يكفرني. مافهمت شي و معادش ناوي باش نفهم شي...سايي سي فوتو (foutu) !! يزينا  يا اخي من الدوخة المصطنعة راهو موش وقتو جملة !!
  • العفسة الثانية : غلطة كبيرة عملتها يا سي الباجي قايد السبسي ...على خاطر موش وقت تهديد توا بالعكس وقت تهدية. في بالك إلي الليلة تنجم تشعل للمرة الثالثة على التوالي. كيفاش تحبها تريض و انتي عطيتنا ديسكور فاشل بكل المقايس. ياخي ماو كي تحس روحك ماكش في صحنك ماتخرج تحكي. دين الام اليلة ضاهرة باش تخمج...ناقصين مانا !!  

ياخي بربي شبي الدنيا تبلبزت ؟ توا من شيرة الحكومة خايفة من شعب و الشعب خايف من الحكومة... تعرش كيفاش عندي نصيحة لزوز :

  • الحكومة : حطها في بالك راهو خدمة من غير ضغط من الشعب ماهاش خدمة...بسيف عليك تحترمو و تقدرو وتفسرلو بالسياسة
  • الشعب : حط في بالك يا شعب إلي زادة راهو توا موش وقت خرم إسقاط النظام. عندك إنتخابات تستنى فيك و لازمك تكمل بلي عندك و حد مايمنعك تعبر على رايك أما من غير تبلبيز يعيشك.


تدوينة اليوم حبيتها قصيرة باش ماتوليش تبلبيزة وكلام زايد...خاطرني فادد فادد فادد فادد !!!

نجم نكون صحيح ما كانش راهم غلطوني و لا كربسوني على راسي...          

baba 3zizi 2.0           
   

الاثنين، 11 جويلية، 2011

المنصف المرزوقي يتحدث عن الثورة...







  (+) كان عجبتك التصويرة، تعمل مزية تعطيها علامة جمع 
 (-) كان ماعجبتكش...سورري، على خاطر جوجل ماخممش في حكاية الإلا 
 (bingo) كان التصويرة أفحمتك...علق و بارتاجيها على حيوط شبكات التلاقح الإجتماعي 

نجم نكون صحيح ماكانش راهم غلطوني  ولى راهم مرزقوني ...  


baba 3zizi 2.0           

الخميس، 7 جويلية، 2011

حمى الهمامي يتحدث عن الثورة..







  (+) كان عجبتك التصويرة، تعمل مزية تعطيها علامة جمع 
 (-) كان ماعجبتكش...سورري، على خاطر جوجل ماخممش في حكاية الإلا 
 (bingo) كان التصويرة أفحمتك...علق و بارتاجيها على حيوط شبكات التلاقح الإجتماعي 

نجم نكون صحيح ماكانش راهم غلطوني  ولى راهم همهموني ...  


baba 3zizi 2.0           

الثلاثاء، 5 جويلية، 2011

الباجي قايد السبسي يتحدث عن الثورة...







  (+) كان عجبتك التصويرة، تعمل مزية تعطيها علامة جمع 
 (-) كان ماعجبتكش...سورري، على خاطر جوجل ماخممش في حكاية الإلا 
 (bingo) كان التصويرة أفحمتك...علق و بارتاجيها على حيوط شبكات التلاقح الإجتماعي 

نجم نكون صحيح ماكانش راهم غلطوني  ولى راهم سبسبوني...  

baba 3zizi 2.0           

الجمعة، 1 جويلية، 2011

خبر عاجل : علي شوورب ضمن قائمة المرشحين لجائزة نوبل للسلام...

(و- ب -أ) وكالة باربو للأنباء- تونس : ذكرت مصادر مأذونة أن لجنة تصفية الدوسيات متع المترشحين لجائزة نوبل للسلام ستضم للقائمة أحد كوادر حركة الخالايق المندفعين. المترشح هو السيد علي شوويرب شهر علي شوورب أمين عام الحركة. و جاء هذا الترشيح بعد التضحيات الجسام التي قدمها الرجل لتونس في عهد الاستعمار كذلك لخلقه لمفهوم جديد للإستفصال بحيث سارت على أفكاره كبار الباندية من الجيل الجديد.

 يجدر الذكر أن سيفي (CV) متع علي تضمن أكثر من 1500 ربطية و عركة و هو عدد يخول له الترشيح للجائزة...و لربما سيكون منافس قوي : لوحيد ولد جرومة ،القذافي ملك الموت ،الأسد ولد حليمة، باعث القناة شكراً، خميس بوبطان روما، العربي نتنياهو، شاكالا ولد بوش ،كريستيانو ولد اللبة...و القائمة تطول.  





بدورها عبرت حركة الخالايق المندفعين عن شديد فرحتها لهذا الترشيح لما يتمتع به عضوها الموقر علي البجاوي أو علي شورب، من حسن أخلاق إلى جانب تفانيه في تأدية واجبه كباندي أول في تونس.




 يقول علي شوورب : لا تسيروا على نهجي و لا تتأثروا بي فأنا لم أجد من ينصحني و يأخذ بيدي،اعرف أن سلوكي مستهجن و مرفوض ولكن 

.للتذكير : سمي علي شوورب كما هو لأن شواربو كبيرة و كشاكشو خارجة من فمو

...نجم نكون صحيح ما كانش راهم غلطوني في علي شوورب و برى عاد اش يفضها معاه

baba 3zizi 2.0